Айтшы, қане, әйел деген өзі кім?
Әйел деген – дәл өзіңдей адам,
Әйел деген – кеше сені мәпелеген анаң.
Әйел деген – намысың мен арың,
Әйел деген – қойныңдағы сүйдім деген жарың.
Бесігінде жатқанда бөпелеген,
Тәй-тәй басса, мәз болып жетелеген.
Әйел деген – қызың ғой еркелеген,
Әйел деген – қызың ғой әке деген.
Әйел деген – қарындас аға деген
Бір өзіңді қорғаныш, пана көрген.
Әйел деген – әпкең ғой алдыңдағы
Сен қуансаң, қуанар алтын жаны
Аталғандар – туыстық жақындарың
Дәл осындай қатынаста елдің бәрі.
Жоқ олардың керексіз жаралғаны,
Ойын, күлкі, зинаға арналғаны.
Айтшы енді,
Зинанымен мақтанған қайран ерім,
Сол күнәні жақындарға қалар ма едің?
Қалар ма едің анаңның қор болғанын,
Зинақорға қызыңның қол болғанын.
Қалар ма едің астында өгіздердің
Қарындас пен әпкеңнің егіз езілгенін.
Жүрегінде дерті бар надандардың
Әйеліңнен дәм етіп көз ілгенін.
Қаламасаң өзіңе бұл істерді
Өзге үшін оны да қылмыс деп біл!